Cantar de Mío Cid. Folio 21v

XLVIII

Todos son adobados quando myo çid esto ouo fablado
Las armas auien presas e sedien sobre los cauallos
Vieron la cuesta yuso la fuerça delos francos
Al fondon dela cuesta çerca es de lanno
Mandolos ferir myo çid el que en buen ora nasco
Esto fazen los sos de voluntad e de grado
Los pendones e las lanças tan bien las uan enpleando
Alos vnos firiendo e a los otros deRocando
Vençido a esta batalla el que en buen ora nasco
Al conde don Remont a preson le an tomado
Hy ganno a colada que mas vale de mill marcos de plata

XLIX

Y bençio esta batalla por o ondro su barba
Priso lo al conde pora su tierra lo leuaua
A sos creenderos mandar lo guardaua
De fuera dela tienda vn salto daua
De todas partes los sos se aiuntaron
Plogo a myo çid ca grandes son las ganançias
A myo çid don Rodrigo grant cozinal adobauan
El conde don Remont non gelo preçia nada
Aduzen le los comeres delant gelos parauan
El non lo quiere comer a todos los sosanaua
Non combre vn bocado por quanto ha en toda espanna
Antes perdere el cuerpo e dexare el alma
Pues que tales mal calçados me vençieron de batalla

LX

Myo çid Ruy diaz odredes lo que dixo