Cantar de Mío Cid. Folio 25r

Delante veyen so duelo non se pueden huuiar
Por el Rey de marruecos ouieron a enbiar
Con el delos montes claros auyen guerra tan grand
Non les dixo coseio nin los vino huuiar
Sopolo myo çid de coraçon le plaz
Salio de muruiedro vna noch en trasnochada
Amaneçio a myo çid en tierras de mon Real
Por aragon e por nauarra pregon mando echar
A tierras de castiella enbio sus menssaies
Quien quiere perder cueta e venir a rritad
Viniesse a myo çid que a sabor de caualgar
Çercar quiere a valençia pora xristianos la dar

LXXIII

Quien quiere yr comigo çercar a valençia
Todos vengan de grado ninguno non ha premia
Tres dias le sperare en canal de çelfa

LXXIV

Esto dixo myo çid el que en buen ora nasco
Tornauas a muruiedro ca el se la a ganada
Andidieron los pregones sabet a todas partes
Al sabor dela ganançia non lo quiere detardar
Grandes yentes se le acoien dela buena xristiandad
Creçiendo ua Riqueza myo çid el de biuar
Quando vio myo çid las gentes iuntadas compeços de pagar
Myo çid don Rodrigo non lo quiso detardar
Adelino pora valençia e sobrellas va echar
Bien la çerca myo çid que non y auya hart
Viedales exir e viedales entrar